«Koldo Saratxaga enpresa gizona da.
»Bilboko Ingeniaritza Eskolan ingeniari teknikoa ikasi ondoren, enpresa munduan aritu da, kudeaketa edo management arloan.
»Irizar mundu mailako enpresa berritzaileen artean kokatzea lortu zuen, Ormaiztegiko Irizar kooperatiban koordinatzaile nagusia izan zen garaian. Hamalau urtez lideratu zuen Irizar enpresa eta bertan galerak izatetik etekin handiak izatera lortu zuten eta zeuden lanpostuak kolokan izatetik lanpostu berri asko sortzera, munduan zehar. Bere ideia nagusia zera da: “erakunde batean pertsonak dira garrantzitsuena”. Pertsonen arteko komunikazioa, harremanak hobetzea omen da bere errezetaren gakoa. Mundu osoan erreferentzia bihurtu da, erakundeak pertsonen inguruan antolatzeko.
»Irizarrek eta Koldo Saratxagak berak nazioarteko aipamen eta sari asko lortu dituzte. Koldo Saratxagak aurretik iragarri bezala, hamalau urteren buruan Irizar utzi eta beste proiektu batean murgildu zen. Bere ideiak hedatzeko-eta k2k eginaz aholkularitza enpresa sortu zuen. Geroa, 2009. urtean, ner group enpresa taldearen lider ezagunena bihurtu da. Krisi garaian 1.300 bat langilerekin abiatu dira lanpostu berriak sortzeko asmoarekin eta mozkinen %5 eta denboraren %2 dohaintza egiteko konpromisoarekin.
»Harreman Estilo Berriak lotzen dituen hainbat erakundek osatutako elkarte bat da, eta bizipenak, sinergiak eta ezagutzak partekatzen dituzte; ahaleginak elkartzen dituzte hobetzeko, aurrera egiteko, eraginkorragoak izateko eta emaitza hobeak lortzeko, eta aipatutako harreman horrek dakarren kultura-aldaketarako urratsetan bidelagun dira. Gizartearekiko kezka argia duen elkartea, Bidezkoa eta Iraunkorra den Giza Garapena lortu nahi duena.»
